** تعملى ايه لو خطيبك زى دة ؟؟؟
احمد وايمان مشيين على الكورنيش .. الجو حار .. الشمس محرقة
ايمان : عطشانة .
احمد : وأنا كمان .
ايمان : يعنى ... عايزة اشرب!
احمد : أكيد مادام عطشانة يبقى عايزة تشربي .
ايمان : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .
احمد : ومين اللي هيحاسب ؟؟
ايمان : أنت طبعاً .
احمد : منين ياحسرة .. ماانتى عارفة الكانز وغطاه .
ايمان : ماقلتش عايزة كانز .. كفاية إزازة صاروخ .
احمد : طب لو هاتجيبى اعزمينى معاكى .
ايمان : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟
احمد : عندك الكورنيش كله .. اختاري الرصيف اللي يعجبك .
ايمان : قصدي تعزمنى في مكان شاعري .
احمد : في الحر ده .. ماينفعش .
ايمان : بلاش دى .. نأخد مركب عالكورنيش .
احمد : المراكب بتغرق اليومين دول .. خلينا ع البر أحسن .
ايمان : بلاش المركب تعالى نأكل ترمس .. أظن ده رخيص .
احمد : إنتى تضمني منين إن الراجل غاسل إيده وغاسل الترمس
ايمان : أعوذ بالله .. إنت مقفلها كده ليه ؟؟
احمد: بصراحة معييش فلوس .
ايمان :يا سلام!! .. ماأنت كان معاك إمبارح .
احمد : إمبارح دخلت السينما مع بنت حلوة كده فالفلوس خلصت
ايمان : بنت حلوه ؟؟!! وبتقولها في وشى .
احمد : أكذب عليكى يعنى .
ايمان : لأ .. تحرق دمى أحسن .
احمد : أنا مش شامم ريحه شياط يعني .
ايمان : يخرب بيت البرود .
احمد: برود إيه ؟؟ ماهو الجو مولع أهو .
ايمان : إنت اللي بارد .
احمد : بارد إزاى ؟؟ دا أنا بشُر عرق .
ايمان : بقولك إيه .. روحنى .
احمد : أروحك ؟! هو إنتى ماتعرفيش تروحي لوحدك .
ايمان : آآآآه .. طب أنا ماشية .
احمد : ليه يا حبيبتي؟؟
ايمان : حبك برص .
احمد : والله البرص بيفهم عشان حبني.
ايمان : بجد كده كتير .
احمد : كتير إيه ؟؟
ايمان : إرحمنى .. واضح إن الحر بيجى معاك بالعكس .. يا بارد
احمد : يعنى مصممة تمشى ؟؟
ايمان : أيوة وحالاً كمان .
احمد: طب استني لما نوصل آخر الشارع .
ايمان : اشمعنى ؟؟
احمد : أصل أنا ساكن هناك .. و مايرضكيش أروح لوحدى .
ايمان : لااااااااااااااااااااااا
احمد : ينفع كده ترمي نفسك في الميه مين هايوصلني بقى
الخميس ديسمبر 19, 2013 2:47 am من طرف 
موضوع: بصراحة انا سارقها من هني القلوب هههههههههه 
